謝安琪 at 新秀歌唱大賽溫哥華選拔賽2008
June 15th, 2008
上個星期六有機會同我個妹去睇新秀歌唱大賽溫哥華選拔賽2008, 個 show 查實都 ok, 記得往年係屋企，電視做直播，我地都緊會轉台，因為 D 參賽者都唱得麻麻，D 製作又麻麻，成日會見到錯漏百出。
今年起初見到謝安琪嚟做表濱嘉賓都有D心大心細想去睇下，但一唸到要坐係度兩個幾鐘睇D我唔識嘅人，只為個10零分鐘謝安琪就覺得好嘥時間喇。
好彩有免費飛，至少唔會覺得又嘥時間又嘥錢先。
結果，成晚我都唔算做真係睇 show, 我覺得我算係玩相機多 D, 成晚一直趁住謝安琪未出嚟係度試下不同嘅 settings. 我坐係第2x行，用我部 point-and-shoot 一直 zoom 到 15x (78mm 喎), 結果影出嚟 D 相都算 OK.
謝安琪都真係唱得幾好，雖然有時唱得唔係好穏，特別係每首歌頭個幾句，但我都總算無失望。成晚佢唱咗5首歌咁多: 神奇女俠的退休生活, 3/8, The One & Only, 鍾無艷, 同 17 度.